Кыргызстанда кийинки парламенттик шайлоо 2020-жылдын 4-октябрында өтөт. Бүгүн Борбордук шайлоо комиссиясы шайлоого даярдык көрүүнүн жана өткөрүүнүн графигин жарыялады. Ага ылайык, шайлоону уюштурууга жана өткөрүүгө 560 миллион сом талап кылынат.
Азыркы, алтынчы чакырылыштагы парламент 2015-жылдын октябрында шайланган. 120 орунга алты партия өтүп, КСДП фракциясына 38 мандат, «Республика Ата-Журтка» 28, «Кыргызстанга» 18, «Өнүгүү Прогресске» 13, «Бир Болго» 12 жана «Ата Мекенге» 11 орун тийген. (RK)