Улуттук коопсуздук боюнча мамлекеттик комитеттин (УКМК) «Альфа» түзүмүнүн жоокери Үсөнбек Ниязбековдун сөөгү Бишкектеги «Ала-Арча» көрүстөнүнө коюлду.
Маркумду акыркы сапарга узатуу зыйнатына УКМКнын төрагасы Орозбек Опумбаев, президенттик аппараттын башчысы Досалы Эсеналиев, Бишкектин мэри Азиз Суракматов жана башкалар катышты.
Сиздин браузер HTML5 ыкмасын колдобой жатат.
Полковник Ниязбековдун тажыясы
Ниязбеков 7-августта мурдагы президент Алмазбек Атамбаевдин үйүндөгү операция учурунда алган оор жарааттан каза болгон. Ал жерде Атамбаевди суракка алып кетүү аракети ишке ашпай калган. Мурдагы президент кримтөбөл Азиз Батукаевдин 2013-жылы түрмөдөн мыйзамсыз бошотулушуна байланыштуу кылмыш иши боюнча күбө катары суракка ага чейин үч жолу чакырылып, барбай койгон. Ал 8-августта кармалды.
47 жаштагы Ниязбеков Орусияда жашаган кыргызстандык акын Өктөм Маманованын уулу, эгиздин түгөйү. Артында алты баласы калды - улуусу 25те, кичүүсү бир жашта. (SA)