Казакстандын жана Беларустун премьер-министрлери Аскар Мамин менен Сергей Румас Евразия өкмөт аралык кеңешинин мааракелик жыйынына катышуу үчүн Кыргызстанга иш сапары менен келишти. Өкмөттүн басма сөз кызматы билдиргендей, аларды Тамчы айылындагы “Ысык-Көл” эл аралык аэропортунан Кыргызстандын вице-премьер-министри Замирбек Аскаров тосуп алды.
Иш сапарынын жүрүшүндө өкмөт башчыларды Кыргызстандын президенти Сооронбай Жээнбеков кабыл алары күтүлүүдө.
ЕАЭБдин өкмөт аралык кеңешинин жыйыны 9-августта Чолпон-Ата шаарында өтөт. Ага биримдиктин курамындагы өлкөлөрдүн премьер-министрлери катышары күтүлүүдө. (КЕ)