Айлана-чөйрөнү коргоо жана токой чарба агенттиги Ысык-Көлдүн суусун таза сактоо максатында моторлуу кайыктарды колдонууга тыюу салууну көздөп жатат. Бул тууралуу «Азаттыкка» мекеменин басма сөз кызматынын жетекчиси Бактыбек Рысалиев билдирди:
- Себеби, суунун булганышына көбүнчө моторлуу кайыктар себеп болот. Агенттик ага тыюу салуу үчүн сунуш даярдап жатат. Ишке ашып калса, суунун сапатынын жакшырышына таасир берет.
Рысалиев Ысык-Көлдүн суусу жылына үч жолу - туристтик сезондун башында, ортосунда жана аягында заманбап технология менен текшерилип турарын, азыр тынчсыздана тургандай кырдаал жаралбаганын кошумчалады.
Экоактивисттер көлдүн жээгинде таштанды көбөйүп, суу булганып жатканын улам-улам айтып келишет. (SA)