Камактагы саясатчы, "Ата Мекен" партиясынын лидери Өмүрбек Текебаев 6-июлда кайненесинин тажиясына барып, коштошуу зыйнатына катышты. Маркумду акыркы сапарга узатуу жөрөлгөсү Чүйдүн Таш-Дөбө айылында болду.
Текебаевдин кайненеси Бүбүкан Турдуева 5-июлда 77 жашында дүйнөдөн өткөн.
Жаза аткаруу мамлекеттик кызматы Текебаевге атайын күзөт менен барып-келүүгө бир күнгө уруксат берилгенин билдирди.
«Ата Мекен» партиясынын лидери Өмүрбек Текебаев орус жаранынан ири суммада пара алган деген негизде 2017-жылы сегиз жылга кесилген. Муну Текебаев ошол кездеги президент Алмазбек Атамбаевге ачык оппозицияда болгону үчүн саясий куугунтук деп атап келет.
Июндун соңунда Текебаев ден-соолугуна байланыштуу камактан ооруканага которулуп, Бишкек мэриясына караштуу Травматология жана ортопедия борборунда дарыланып жатат.
Жогорку сот саясатчынын ишин жаңы ачылган жагдайларга байланыштуу кайра карап чыкмай болуп, отурумду 16-июлга белгилеген. (SE\TSh)
Сиздин браузер HTML5 ыкмасын колдобой жатат.
Текебаев кайненесинин тажиясына барды