Анжиян облусундагы Балдар жана өспүрүмдөр футбол мектебинин аянтчасында өткөн оюнда Өзбекстандын Анжиян жана Кыргызстандын Ош облусунан барган 12-13 жана 14-15 жаштагы футболчулар беттешти.
Анда Кыргызстандан барган командалар жеңишке жетишти. 12-13 жаштагылар арасындагы таймаш 3:1 эсебинде кыргызстандык оюнчулардын жеңиши менен аяктады. Ал эми 14-15 жаштагылар арасындагы оюнда кыргызстандык футболчулар атаандаштарын 2:0 эсебинде утуп алышты.
Оюн Кыргызстан менен Өзбекстандын жаш футболчуларынын «Достук кубогу» турниринин алкагында өтүүдө.
Бул турнирдин алкагында өткөн жумада Ош облусунун Ноокат районундагы «Кыргыз-Ата» футбол клубунун талаасында беттеш болгон. Ага эки облустун 12-13 жаштагы футболчуларынын курамалары беттешип, оюн 3:0 эсебинде кыргызстандык футболчулардын жеңиши менен аяктаган. (ZKo\MdN)