Кыргызстандык 11 токойчу Түркияда токойдогу өрт коопсуздугу боюнча окуудан өтүп жатышат.
Теориядан тышкары бул иш-чаранын алкагында түрк адистери кыргызстандык кесиптештерине Анталия аймагындагы токойлорду кыдыртып, өрттөн коргоо багытында тажрыйба бөлүшүшөт.
Түркиянын Анталия шаарынын Токой чарба башкармалыгы уюштурган иш-чарага 16 өлкөдөн 300гө жакын токой инженери катышууда.
Түркиянын Токой жана суу министрлигинин статистикалык маалыматына караганда, 2018-жылы бул өлкөдө 120 миң гектарга жакын токой өрттөнүп кеткен. Түркиянын токойлорунда чыккан өрттүн саны акыркы алты жылда кескин өскөнү байкалган. (ElB)