Казакстандагы «Адам укуктары үчүн хартия» фондунун аткаруучу директору Жемис Турмагамбетов менен Адам укуктары жана мыйзамдуулукту сактоо боюнча эл аралык бюронун Казакстандагы жетекчиси Евгений Жовтис соңку камоого байланыштуу билдирүү таратты. Анда шайлоого нааразы болуп көчөгө чыккан жүздөгөн адамды кармоо мыйзам бузуу менен коштолгону, адамдар негизсиз жазага тартылганы, укук коргоо органдары камалгандардын жакындарына тиешелүү маалыматтарды убагында бербегени айтылат.
Ошондуктан «9-10-июнь күндөрү болгону окуяларды жарандык коомдун өкүлдөрүнөн куралган өз алдынча комиссия иликтеши керек», деп жазылат билдирүүдө.
Сиздин браузер HTML5 ыкмасын колдобой жатат.
Казакстанда 700дөй киши кармалды
Казакстанда 9-июнда президенттик шайлоо өтүп, Касым-Жоомарт Токаев жеңген. Добуш берүү күнүндө жана андан кийин Нур-Султан, Алматы, Чымкент шаарларында жүздөгөн адам нааразылык билдирип көчөгө чыккан. Ички иштер министрлигинин маалыматы боюча, жалпысынан 700дөй жаран кармалган.