Крымда сталиндик репрессияга жана депортацияга дуушар болгондорду эскерүү митинги өттү. Полиция бул митингге уруксат алынбаганын эскертти, бирок чогулган элди тараткан жок.
Жүздөй киши шаардын борборундагы 1944-жылы депортация болгондор үчүн тургузулган айкелдин жанында чогулуп куран окушту. Катышуучулардын арасында улуттук кийим кийгендер, Крым татар жамаатынын желегин көтөргөндөр жана окуяны өз көзү менен көргөн аксакалдар болду.
1944-жылы май айында Иосиф Сталин Крым татарларын депортациялоого буйрук берип, он миңдеген киши узак жолдун жана Казакстандагы катаал шарттын айынан каза тапкан. Крымга кайтып келүүгө татарларга 1980-жылдардын аягында гана уруксат берилген.
Крым жарым аралы 2014-жылы Орусия тарабынан аннексияланган. Бул жердеги татар жамааты Орусиянын бийлигин таануудан баш тартып, бир топ активисттер камакка алынган. (KKu)