Беларуста быйыл парламенттик, эмки жылы президенттик шайлоо өтөт. Бул тууралуу өлкө башчысы Александр Лукашенко 19-апрелдеги элге кайрылуусунда билдирди.
Буга чейин Борбордук шайлоо комиссиясынын жетекчиси Лидия Ермошина мыйзамга ылайык президенттик шайлоо 2020-жылдын 30-августунан, парламенттик шайлоо 2020-жылдын 6-сентябрынан кеч эмес убакта өтүшү керектигин белгилеген.
Эки өнөктүк удаа келип каларын белгилеген айрым саясатчылар президентти шайлоо убактысын жылдырууга чакырышкан.
Лукашенко Беларусту 1994-жылдан бери башкарып келет. Ал жылдык кайрылуусу учурунда алдыдагы шайлоодо талапкерлигин коер же койбосун ачыкка чыгарган жок.