Чүй облусунун Москва районунда поезд жеңил автоунааны сүзүп кетип үч киши каза болду. Алардын бири бала экенин «Азаттыкка» Саламаттык сактоо министрлигинин басма сөз катчысы Жылдыз Айгерчинова билдирди.
«Кырсыкта жабыркаган бир аял учурда Москва районунда ооруканада реанимацияда жатат. «Абалы оор» дешти. Аялдын жанындагы бала жолдо «тез жардамда» баратып чарчап калган жана дагы эки киши кырсык болгон жерден эле каза болгон», - деди Айгерчинова.
Кырсык бүгүн, 31-мартта Бишкек-Ош автоунаа жолунда болгон. Ага күбө болгон адамдардын айтымында, автоунаа 10 метрге чейин ыргып, поезддин рельсинин темирлери чыгып кеткен. (BTo)