«Бүтүн Кыргызстан» партиясынын лидери Адахан Мадумаров менен экс-президент Алмазбек Атамбаевдин биригүүсү тууралуу кеп-сөздөр боюнча партия билдирүү таратты. Партиянын билдирүүсүндө Мадумаровдун жергиликтүү телеканалдардагы маеги бурмаланганы белгиленет.
«Бир сөздү бурмалап, ар ким өз ыңгайына жараша таратып жаткандыгы өкүндүрөт» деп жазылган билдирүүдө.
«Бүтүн Кыргызстан» партиясы 2020-жылы парламенттик шайлоого эч ким менен бирикпей катыша турганын билдирди.
Адахан Мадумаров менен экс-президент Алмазбек Атамбаев биригери тууралуу маалымат алгач «Калыс медиа» сайтына чыккан. (TSh)