Кытайдын Шиңжаң-Уйгур автономиялуу районунан келген кыргыздардын маданий делегациясы 21-мартта Бишкекте Нооруз майрамында өз өнөрүн тартуулашты. Алар Ала-Тоо аянтындагы майрамдык салтанатка жана Курманжан Датка эстелигинин алдында уюштурулган иш-чарага катышты.
Маалыматка ылайык, кытайлык делегация Бишкекте 25-мартка чейин болот. 22-мартта Абдылас Малдыбаев атындагы опера жана балет театрында, 23-мартта Калый Молдобасанов атындагы улуттук консерваториясында концерт беришет.
24-март күнү делегациянын өкүлдөрү Кыргызстандын маданият, өнөр тармагындагы адамдары менен жолугушат.
Манасчылар, ырчылар жана бийчилер болуп 32 адамдан турган маданий делегация Кыргызстанга 20-мартта келген. (BTo)
Сиздин браузер HTML5 ыкмасын колдобой жатат.
Кытайлык кыргыздар аянтты шаңга бөлөдү