Былтыр Орусияда Интернетти алты жүз жолу чектөө фактысы катталган. Бул тууралуу шейшембиде жарыяланган "Агора" уюмунун жаңы баяндамасында айтылат. Андагы иликтөөгө таянсак, былтыр 2017-жылга салыштырмалуу Орусияда Интернет эркиндигин чектөө алты эсе көбөйгөн. Маселен, мурдагы жылы 26 гана аймакта ушундай фактылар катталса, былтыр алардын саны 41ге чейин жеткен.
Баяндаманын авторлору орус бийлиги ири интернет-компанияларды кызматташууга мажбурлап, аларды монополизациялоо аркылуу маалымат желесин толугу менен көзөмөлгө алууга ашыгып жатканын белгилешет. Ошону менен катар “Интернет эркиндиги - 2018” деген баяндамада мамлекеттик мекемелер интернет-провайдерлердин ишине бөгөт коюу натыйжасыз экенине ынанышканы белгиленет.
Эл аралык "Агора" уюму Интернет эркиндигин чектөө фактыларына 10 жылдан бери байкоо жүргүзүп келатат.