29-январда Франциянын "France 24" телеканалы өздөрүн "Ислам мамлекети" деп атаган террорчул топтун өкүлдөрү Сириядагы жихадчы аялдарды бошотуп жаткан учурун тасмага түшүрүп, видео баян жарыялаган.
Анда жихадчы аялдарга алардын паспортторун таратып берип жаткан согушкерди көрүүгө болот. Паспорттордун ичинен Кыргызстандын ички паспортун көтөрүп жүргөн аялдарды да көрүүгө болот.
🔴 #EXCLUSIVE: %27Leave and go to prison or stay and die.%27🎥 As the Islamic State group retreats from its final stronghold in northeastern #Syria, our reporters @JamesAndreF24, @romlanglois and @mayssaf24 met a French jihadi bride on the run. pic.twitter.com/qxICDrj3ux
— FRANCE 24 (@FRANCE24) 29 января 2019 г.
Видеодо журналисттер Франциядан келген жихадчы аял менен баарлашкан. Ал Францияда мусулман болгондуктан кысымга кабылып, дин тутуу эркиндигине толук ээ боло албай жүргөндүктөн халифат кургусу келгендерге кошулганын айтат. Бирок "Ислам мамлекети" ал күткөндөй болбогонун жана бул жакка келген көптөгөн аялдар өз чечимдери үчүн өкүнгөнүн кошумчалайт.
"France 24" - Франциянын мамлекеттик телекомпаниясы. Баш кеңсеси Парижде жайгашкан телеканал өз берүүлөрүн англис, араб, испан жана француз тилдеринде даярдайт. (KR)