Сокулук районунун Новопавловка айылында бүгүн 29-январь күнү таңкы саат жети чамасында 11 жаштагы баланы айдоочу сүзүп кеткен.
Окуучу кырсык болгон жерден мүрт кеткен. Аны сүзүп кеткен айдоочу Чүй облусунун ички иштер башкармалыгынын кызматкери экени аныкталды. Бул маалыматты "Азаттыкка" Чүй облустук милициясынын басма сөз кызматы ырастады.
Эгиздин түгөйү болгон 11 жаштагы бала Чыңгыз Айтматов атындагы №1 орто мектептин окуучусу болгон. Окуяга күбө болгон жергиликтүү тургундар кырсык болгон жердеги жолдо светофор жок болгонун айтып, нааразы болуп жатканын видеого түшүрүп, Интернетке жарыялаган. (KR)