Бириккен Араб Эмирликтеринде өтүп жаткан футбол боюнча Азия биринчилигинде 16-январда Кыргызстандын футболчулары Филиппин командасы менен ойнойт.
"Ак шумкарлар" буга чейин эки оюн катары менен утулганына карабай, дагы деле тайпадан чыгуу мүмкүнчүлүгүн жогото элек. Ал үчүн ушул беттеште утушу зарыл.
Кыргызстан ойноп жаткан тайпада Кытай менен Түштүк Корея кийинки финалдык бөлүккө жолдомо алышкан.
Кыргызстан Азия кубогуна биринчи жолу катышып жатат. Тайпадагы алгачкы оюнунда Кытай курамасына 2:1, экинчи оюнунда Түштүк Кореяга 1:0 эсебинде жеңилген. (SDz)