АКШнын президенти Дональд Трамп "Твиттер" баракчасына Сириядан америкалык күчтөр чыгарыла баштаганын белгилеп, ошол эле маалда "Ислам мамлекети" террордук тобуна сокку урула берерин билдирди.
Трамп ошону менен катар Түркияны Сириянын түндүк-чыгыш райондорун көзөмөлдөгөн күрттөргө каршы агрессивдүү чара көрүүдөн алыс болууга чакырды.
"Эбактан бери бышып жетилген Сириядан аскер күчтөрүн чыгаруу жараянын баштадык. Аны менен катар эле "халифаттын" калдыгына ар тараптан катуу сокку уруп жатабыз. Алар кайрадан топтошсо сокку ура беребиз" - деп айтылат америкалык лидердин "Твиттер" баракчасына жекшембиде жарыялаган маалыматында.
Starting the long overdue pullout from Syria while hitting the little remaining ISIS territorial caliphate hard, and from many directions. Will attack again from existing nearby base if it reforms. Will devastate Turkey economically if they hit Kurds. Create 20 mile safe zone....
— Donald J. Trump (@realDonaldTrump) January 13, 2019
Трамп ошондой эле Анкарага "Эгер Түркия күрттөргө чабуул койсо, экономикалык жактан жок кылабыз" деп эскертет.
....Likewise, do not want the Kurds to provoke Turkey. Russia, Iran and Syria have been the biggest beneficiaries of the long term U.S. policy of destroying ISIS in Syria - natural enemies. We also benefit but it is now time to bring our troops back home. Stop the ENDLESS WARS!
— Donald J. Trump (@realDonaldTrump) January 13, 2019
Трамп Орусияны, Иранды жана Сирияны "Ислам мамлекети" террордук тобуна карата "америкалык саясаттан пайда тапкандар" деп атады. Президенттин белгилешинче, "АКШ дагы "Ислам мамлекети" террордук уюмуна сокку урууда жеңишке жетти, эми болсо аскерлерди үйгө кайтара турган учур келди".
12-январда маалымат каражаттары Түркиянын Сирия менен чектешкен Хатай провинциясына танктар жана чопкутталган техника кербени келе баштаганын кабарлашты.
Түркия күрт кошуундарын террористтик уюм деп эсептейт.
Түркиянын президенти Режеп Тайып Эрдогандын басма сөз катчысы Ибрахим Калин "Твиттерге" Түркия Кошмо Штаттардан "ортодогу стратегиялык өнөктөштүктү сыйлоону" күтөөрүн жана Вашингтондун "террористтик үгүттүн көлөкөсүндө калбашын" каалай тургандыгын билдирди.
Mr @realDonaldTrump Terrorists can’t be your partners & allies. Turkey expects the US to honor our strategic partnership and doesn’t want it to be shadowed by terrorist propaganda.There is no difference between DAESH, PKK, PYD and YPG. We will continue to fight against them all. https://t.co/Yyzgyp9RQ4
— Ibrahim Kalin (@ikalin1) January 13, 2019
Калин "Ислам мамлекети" террордук тобу менен Түркияда тыюу салынган Күрттөрдүн жумушчу партиясынын жана АКШ колдогон Күрттөрдүн демократиялык кошуунунун, сириялык күрт согушкерлеринин ортосунда эч кандай айырма жок деп эсептей турганын билдирди. "Биз аларга каршы күрөштү уланта беребиз" деди Калин.
Трамптын Сириядын америкалык күчтөрдү чыгарып кетүү боюнча чечими АКШнын өнөктөштөрүн нес кылып, Сириядагы күрттөрдүн нааразылыгын туудурган.