Нарын облусунда Кочкор районуна караштуу Кара-Кужур тоосунда мыйзамсыз аң уулап жүргөн адамдар кармалды.
Бул тууралуу Мамлекеттик экотехинспекциянын басма сөз кызматы кабарлады.
Мекеменин маалыматына караганда, кармоо учурунда алардын автоунаасынан эки тоо эчкинин, бир карышкырдын, топоздун эти жана 17 огу менен ок атуучу курал табылды.
Териштирүүнүн жүрүшүндө ал адамдардын аң уулоого уруксаты жок болгону жана ок атуучу курал аларга таандык эмес экени белгилүү болду.
Окуя учурда Кочкор райондук ички иштер бөлүмү менен кошо териштирилип жатат.
Бул факт Мамэкотехинспекциянын жапайы жаныбарларды коргоо максатында уюштурулган атайын рейдинин алкагында аныкталды.