Башкы прокурор Өткүрбек Жамшитов Ош шаардык сотунун төрагасынын орун басарына жана судьясына, Ош облустук сотунун судьясына жана мурдагы судьясына кылмыш ишин козгоду.
Башкы прокуратуранын маалыматына караганда, шектүүлөр "2016-жылдын декабрында жана 2017-жылдын мартында Кыргызстанда оор кылмышка айыпталып камалган тажик жаранынын пайдасына чечим чыгарган, камактагы адам мыйзамсыз бошотулган" деп айыпталууда.
Иш Кылмыш-жаза кодексинин 304-беренеси ("Кызмат абалынан кыянаттык менен пайдалануу") жана 328-берене ("Атайылап сот адилеттигине жатпаган өкүм, чечим же башка сот токтомун чыгаруу") менен иликтенип жатат.
Материалдар Улуттук коопсуздук боюнча мамлекеттик комитетке (УКМК) өткөрүлдү.