Кыздардын эл аралык күнү жана Адам укуктарынын жалпы декларациясынын 70 жылдык маарекесине карата Ошто "Кыз кадыры" аттуу жыйын өтөт.
11-октябрда Бабур атындагы өзбек улуттук драма театрынын имаратында өтө турган иш-чарага түрдүү багыттарда ийгиликке жеткен, тайманбас кыз-жигиттер жаштар менен жолугат.
Баяндамачылар Бишкектен да барат. Өкмөттүк эмес уюмдар өткөрүп жаткан жыйынды уюштурууга Бириккен Улуттар Уюму колдоо көрсөткөн.
Кыздардын эл аралык күнү 2012-жылы Канаданын демилгеси менен БУУнун Башкы Ассамблеясында бекитилген. Ал эми Адам укуктарынын жалпы декларациясы 1948-жылдын 10-декабрында Парижде, Башкы Ассамблеянын жыйынында кабыл алынган.