Кыргызстанда быйыл жыл башынан бери ички дүң өнүм (ИДӨ) 368 млрд. сомду түздү. Бул тууралуу бүгүн Бишкекте өткөн басма сөз жыйынында Улуттук статистика комитетинин төрагасынын орун басары Азамат Оросбаев билдирди.
Былтыркы жылдын ушул мезгилине салыштырганда бул 1,2% пайыз жогору. ИДӨнүн 45% тейлөө, 19% өнөр жай, 13% айыл чарба, 7% курулуш тармактары түздү.
Буга чейин финансы министринин орун басары, Борбордук казыналыктын башчысы Алмаз Бакетаев Кыргызстандын 2018-жылга карата ички дүң өнүмү болжолдонгондой 3,7% жетпей калганын, болгону 2,8% экенин айткан. Бакетаев мунун себебин азыр да уланып жаткан дүйнөлүк каржы кризиси менен байланыштырган. (ErN)