Кыргызстанда жыл башынан бери 80 адам сууга чөгүп каза тапты. Бул тууралуу бүгүн "Азаттыкка" Өзгөчө кырдаалдар министрлигинин басма сөз кызматынын өкүлү Элмира Шерипова билдирди.
Анын айтымында, алардын 58и жайкы туристтик сезон башталгандан бери катталган учурлар. Сууга чөккөндөрдүн 17си балдар.
Ал ортодо көлмөлөрдө, пансионаттарда куткаруучулар менен суучулдардын жетишсиздиги жана пансонат жетекчилеринин жоопкерчилигин күчөтүү тууралуу маселе көтөрүлүп жатат. (KE)