Пенсия курагын көтөрүүгө каршы акция Орусиянын футбол чемпионаты өтпөгөн бир катар ири шаарларында болуп жатат. Орус бийликтери Дүйнөлүк футбол чемпионаты учурунда Москва, Санкт-Петербург жана башка шаарларда ар кандай массалык акцияларды өткөрүүгө тыюу салган.
1-июлдагы пенсия курагын көтөрүүгө каршы митингдерди негизинен орусиячыл оппозиционер Алексей Навальныйдын аймактык штабдары уюштурууда. Навальный өзү бүгүн ага катышкан жок. Оппозиционер артынан аңдуу жүрүп жатканын байкаганын жана өмүрү үчүн кооптонуп турганын айтып, кечээ Орусиядан чыгып кеткен.
Общероссийская акция против повышения пенсионного возраста в самом разгаре. Европейская часть страны только начинает. Но уже сейчас ясно, что только наша сеть штабов организовала их в 39 городах (только те, где мы организаторы или со-организаторы с ведущей ролью) pic.twitter.com/q0TyOln7nG
— Alexey Navalny (@navalny) July 1, 2018
Бүгүнкү акцияны Коммунисттер (КПРФ), Либералдык-демократиялык (ЛДПР), "Адилеттүү Орусия", "Яблока" партияларынын жер-жерлердеги өкүлдөрү да өткөрүүдө.
Самый массовый протестный митинг в Мурманске! Люди разных возрастов, политических взглядов и мировоззрений — выразили несогласие с повышением пенсионного возраста! #Навальный2018 #Мурманск pic.twitter.com/f1yQSa0AeG
— Violetta Grudina (@vilya1518) July 1, 2018
Орус өкмөтү июнь айылда пенсия реформасын жарыялап, буга байланыштуу мыйзамды Мамлекеттик думага сунуштаган. Ага ылайык, өлкөдө пенсия курагы 2019-жылдан тартып акырындык менен көтөрүлөт. Натыйжада 2028-жылга барып эркектер 65, ал эми 2034-жылга барып аялдар пенсияга 63 жаштан чыгышы керек. Азыр Орусияда эркектер 60, аялдар 55 жаштан пенсияга чыгышат.
Не перевелись ещё порядочные люди в рядах КПРФ! В Иванове коммунисты пригласили штаб Навального на митинг против повышения пенсионного возраста, да ещё и дали слово координатору. pic.twitter.com/w66ublSQ2y
— Новости на «Навальный LIVE» (@novostiNL) July 1, 2018
Бир катар социалдык сурамжылоо жүргүзгөн кызматтар пенсия реформасы жарыялангандан кийин Орусияда президент Владимир Путиндин рейтинги төмөндөп кеткенин маалымдашууда. Путиндин рейтинги июндун экинчи жумасында 62 пайыздан 54 пайызга чейин түшүп кеткен. "Общественное мнение" социологиялык фонду билдиргендей, бул 2013-жылдан берки эң төмөнкү көрсөткүч. Ал эми коомдук маанайды изилдөөчү ВЦИОМ борбору Путиндин ишин жактагандардын пайызы 77ден беш пайызга азайганын маалымдайт.
Азыркы кезде Орусияда 43 миллиондой пенсионер катталган. Пенсия курагын көтөрүү реформасы пенсионерлерди 9 пайызга - 38,52 миллион адамга чейин кыскартаары айтылууда.