Президент Сооронбай Жээнбеков бүгүн Кытайга мамлекеттик сапар менен жөнөп кетти. Президенттик аппараттын маалыматтык саясат бөлүмү билдиргендей, бүгүн Жээнбеков менен Кытайдын төрагасы Си Цзинпиндин жолугушуусу белгиленген.
Мамлекет башчынын Кытайдагы сапары 8-июнга чейин созулат. Бул анын президент катары алгачкы мамлекеттик сапары.
Анын жүрүшүндө кыргыз-кытай алакасынын бардык багыттары талкууланышы күтүлүп жатат. Эки тараптуу кызматташтыкты бекемдөөгө багытталган 10 чакты документке кол коюлаары расмий кабарланды. (NT)