Ош шаарында жайгашкан "Сулайман-Тоо" тарыхый-археологиялык музей-комплексине Султан Абдыракманов директор болуп дайындалды. Бул тууралуу бүгүн Маданият, маалымат жана туризм министрлигинин басма сөз кызматы "Азаттыкка" билдирди.
Быйыл апрелде "Сулайман-Тоо" музейинин жетекчиси Абдыкайым Кангелдиев өз арызы менен иштен кеткени айтылган.
55 жаштагы Султан Абдыракманов мурда КТРК, ЭЛТР каналдарында иштеген. Акыркы жылдарда ОшТВ телеканалында эмгектенип жүргөн.