Ош шаардык милициясынын мурдагы башчысы Кылыч Жолдошев Жалал-Абад облустук милициясынын башчысы болуп дайындалды. Аны жамаатына ички иштер министринин орун басары Сүйүн Өмүрзаков тааныштырды.
Буга чейин облустук милицияны Акылбек Мамасейитов жетектеп келген. Ал Тогуз-Тородогу 11-апрелдеги тополоңдон кийин кызматынан алынып, ИИМдин криминалдык милиция кызматынын аймак аралык башкармалыгынын башчысы болуп дайындалган.
Ош шаардык милициясынын башчысы болуп Жолдошевдин ордуна Мурат Боронов дайындалды. Ал ага чейин Ош облустук милициясын жетектеген. (UEz)