Ички иштер министрлигинин билдиргенине караганда, өлкөнүн батышында, борбор Тбилисиден 200 чакырымдай алыстыктагы Миндели көмүр кенинде шахтанын төбөсү урап түшкөн.
Бүгүнкү кырсыктан алты адамдын өмүрү кыйылгандан тышкары үч киши жабыркады.
Премьер-министр Георги Квирикашвилинин кеңсеси грузиялык компания иштеткен кенде коопсуздук нормалары канчалык сакталган-сакталбаганын аныктоо боюнча иликтөө башталганын маалымдады.
2011-жылдан бери ушул көмүр кениндеги ар кандай кырсыктардан кеминде он шахтердин өмүрү кыйылган. (UE)