Франциянын ички иштер министри Жерар Колломб полиция супермаркетте бир нече кишини барымтага алган куралчан адамды атып өлтүргөнүн бышыктады. Окуя 23-мартта өлкө түштүгүндөгү Треб шаарчасында болду. Ал адамдын огунан үч киши набыт кетти, 16 киши жараат алды деп кабарланууда. Премьер-министр Эдуард Филипп окуяны “теракт” деп сыпаттады. Кол салуунун себептери белгисиз жана ал адамдын аты-жөнү да аталган жок.
Маалыматтарга караганда, барымтага алганга чейин ал Каркассон шаарында полиция бөлүмүнө ок чыгарып, бир кишини атып өлтүргөн.