Бишкектеги унаа жууган жерлердин бириндеги курал колдонуу фактысы иликтенип жатат. Шаар милициясынын басма сөз кызматы билдиргендей, 18-мартта машинесин жуудурганы келген айдоочу менен унаа жууган жердин администратору урушуп кеткен. Айдоочу травматикалык тапанча менен администраторду атып жиберген.
- Жабырлануучунун абалы канааттандырарлык, окуянын жоо-жайы иликтенүүдө, - деп билдирди ИИБнин басма сөз катчысы Адыл Оморов.
Акыркы маалыматтар боюнча бул окуяга байланыштуу кылмыш иши козголду. (SE)