АКШнын Финансы министрлиги орусиялык 19 кишиге жана беш уюмга каршы жаңы санкцияларды жарыялады. Февралда атайын прокурор Роберт Мюллер аларды АКШдагы президенттик шайлоого кийлигишкендиги үчүн айыптаган. Санкцияларга кабылгандардын тизмесине бизнесмен Евгений Пригожин жана “троллдор фабрикасына” тиешеси бар адамдар киргизилген. Пригожин буга чейин Украинадагы жаңжалга тиешеси бар деп да санкцияга туш болгон.
Ал эми ишкана-уюмдардын арасында Орусиянын аскерий чалгындоо агенттиги (ГРУ), Федералдык коопсуздук кызматы (ФСБ) жана башкалар бар.
АКШда Москванын Америкадагы шайлоого ыктымал аралашуусу иликтенип жатат. Орусия болсо дооматтарды четке кагууда.