Издөө отрядынын кызматкерлери Раменское районуна кулаган Ан-148 учагынын 500гө чамалуу калдыгын жана өлгөн адамдардын 1500дөн ашуун дене мүчөлөрүн тапкан. Бул тууралуу ТАСС агенттиги Орусиянын Өзгөчө кырдаалдар министрлигине таянып жазды.
12-февралда учактын "кара кутусу" табылганы маалымдалды. Азырынча учактын кыйрашынын себеби расмий айтыла элек.
"Саратов аба жолдору" компаниясына таандык учак 11-февралда Москва-Орск багыты боюнча "Домодедово" аэропортунан учуп чыккандан көп өтпөй, кулап түшкөн. Анын калдыктары Подмосковьедеги Степановский айыл аймагында отуз гектардай аянтка чачылып кеткени аныкталган.
Учактын бортунда 65 жүргүнчү жана экипаждын алты мүчөсү болгон, бирөө да тирүү калган эмес.
Сиздин браузер HTML5 ыкмасын колдобой жатат.
Авиакырсык болгон жерде издөө иштери жүрүүдө