АКШнын президенти Дональд Трамп 11-декабрда “Космос саясаты боюнча директивага” кол койду. Америкалык космос агенттигине (NASA) “космосту өздөштүрүү боюнча инновациялык программаны ишке ашыруу” тапшырылат.
Жаңы директивага кол койгон күн 45 жыл мурда, 1972-жылдын 11-декабрында "Аполлон-17" космос кемесинин Айга учкан күнүнө туш келүүдө.
Акыркы жолу Айга 1972-жылы «Аполлон-17» кемесинин астронавттары барып келишкен. Жакынкы он жылда Айга учууну АКШ, Жапония, Орусия жана Кытай максат кылууда. Бул алардын Марска учуусуна даярдыгы болушу да мүмкүн. (КЕ)