Бүгүн Кыргызстандын телерадиоберүү тармагынын кызматкерлери кесиптик майрамын белгилешет.
Бул күндү белгилөө өкмөттүн 1995-жылы 23-декабрдагы токтому менен бекитилген. Мындан 59 жыл мурда дал ушул күнү кыргыз тилиндеги алгачкы телекөрсөтүү обого чыккан.
Ал эми Кыргызстанда радио түйүндөр 1927-жылы эле иштей баштаган. 1931-жылы 19-декабрда Кыргыз АССРинин Элдик комиссарлар cоветинин алдында радиокомитет уюштурулуп, кыргыз телерадиосу түптөлгөн.