Бишкек шаардык кеңешиндеги “Республика – Ата-Журт” фракциясы оппозицияда калуу жөнүндө чечим кабыл алды.
Бул тууралуу “Азаттык” радиосуна шаардык кеңештеги төрагалык кызматты тапшырып берген ушул фракциянын мүчөсү Канатбек Мүсүралиев кабарлады.
- Биз коалиция тарагандан кийин оппозицияга кетебиз деген чечимге келдик. Бул фракциянын чечими. Ошол себептүү төрагалыкты ээлеп отурганга менин моралдык укугум жок деген позиция болду.
28-ноябрда шаардык кеңештеги көпчүлүк коалициядан Кыргызстан Социал-демократтар (КСДП) фракциясы чыгып кеткен.
Бишкек шаардык кеңешинде көпчүлүк коалиция КСДП, “Республика - Ата-Журт” жана “Кыргызстан” фракцияларынан түзүлгөн болчу. Оппозицияда “Өнүгүү-Прогресс” жана “Мекеним Кыргызстан” фракциялары калган. (КЕ)