Жергиликтүү медиа кабарлагандай, Сицилиядагы мафиянын ХХ кылымдагы эң кубаттуу башчысы Сальватор Тото Риина түрмө ооруканасында табигый себептерден улам көз жумду.
Ал жаза мөөнөтүн Италиянын түндүгүндөгү Парма шаарындагы түрмөдө өтөп жаткан.
16-ноябрда жаш курагы 87ге келген мурдагы мафия башчысы 1969-1992 -жылдардагы ондогон адам өлтүрүүлөр үчүн өмүр боюу түрмө жазасына 26 ирет кесилген.
“Коза Ностра" деген мафиялык топту башкарып жүргөн Риина абакта дээрлик 25 жылдай олтурду. (UE)