Бүгүн Талас шаарындагы облустук администрациянын имаратынын алдында 100гө жакын адам акция өткөрүүдө. “Азаттыктын” аймактагы кабарчысынын маалымдашынча, алар президент Алмазбек Атамбаевдин таластыктардын дарегине айткан сөздөрүнө нааразылык билдирип жатышат.
Акцияга чыккандар колдоруна “Кыргыз элинин намысы бардыгынан жогору”, “Манастын урпактарын экиге бөлбөгүлө” деген плакаттарды кармап турушат.
Алмазбек Атамбаев 18-октябрда жогорку окуу жайларынын алдынкы студенттери менен жолугушууда Манасты билүүгө чакырган жана шайлоодон кийин Таласта нааразылык билдирип акцияга чыккандарды сынга алган эле.
Сиздин браузер HTML5 ыкмасын колдобой жатат.
Атамбаев: Таластыктар, мени укпасаңар да, Манасты уккула
26-октябрда баш калаада басма сөз жыйынын өткөргөн таластык үч-төрт аксакал президент Алмазбек Атамбаевдин таластыктардан кечирим сурашын талап кылышкан. (ASu/BkA)