Канатбек Исаев тергөө бүткөнчө абакта болот
Сиздин браузер HTML5 ыкмасын колдобой жатат.
Жогорку Кеңештин депутаты Канатбек Исаев тергөө бүткөнчө камакта калды. Мындай чечимди Бишкектин Биринчи Май райондук соту кабыл алды. Депутат уюшкан кылмыштуу топтун өкүлдөрүн колдонуу менен президенттик шайлоодон соң башаламандык уюштурууну пландаган деп шектелүүдө. Ал эми Исаевдин акыркы кездеги саясий пикирлеши, президенттикке талапкер Өмүрбек Бабанов өзүнө каршы аракет катары баалады. Ал ортодо президент Алмазбек Атамбаев Коопсуздук кеңешинин чукул жыйынын өткөрүп, шайлоо алдында туруктуулукка шек келтирген кадамдар жазаланарын эскертти.