Сирияда "Ислам мамлекети" террордук тобу Ал-Карьятайн шаарын өзүнө каратып алды.
Бул тууралуу Адам укугуна байкоо салган сириялык борбор кабарлады. Маалыматты "Твиттерде" жергиликтүү журналисттер да ырастап жатышат.
Аталган шаар Пальмирадан түштүк-батышты көздөй, өкмөттүк күчтөрдүн тылында жайгашкан.
Айрым кабарларга караганда, шаарда жоочулардын "тымызын түйүнү" болгон. Калааны басып алуу согушкерлер Сирия армиясынын Дейр-эз-Зор шаарынын түштүгүндөгү позицияларына катуу чабуул жасаган маалга туш келди.