Бабанов Канатбек Исаевдин кармалышы боюнча оюн айтты
Сиздин браузер HTML5 ыкмасын колдобой жатат.
Президенттикке талапкер Өмүрбек Бабанов 1-октябрда соңку саясий окуялар боюнча Бишкекте басма сөз жыйынын уюштурду. Ал өз сөзүндө парламент депутаты Канатбек Исаевдин кармалышы боюнча комментарий берип, интернетте тараган тасмаларды көрүп чыкканын, бирок анын биринде да Исаевдин төңкөрүш тууралуу айткан сөзү жок экенин билдирди. 30-сентябрда Улуттук коопсуздук комитети парламенттеги "Кыргызстан" фракциясынан депутат Канатбек Исаев жана кылмыштуу топко мүчө деген айрым адамдар массалык башаламандык уюштуруу жана бийликти күч менен басып алууга даярдык көрүү фактысы боюнча кармалганын кабарлаган.