Борбордук шайлоо комиссиясы 20-сентябрда дагы 31 эл аралык байкоочуну аккредитациядан өткөрдү. Алар Индонезиянын шайлоо комиссиясынын жана КМШ миссиясынын өкүлдөрү. Ушуну менен БШКга 38 мамлекеттен 203 эл аралык байкоочу катталды. Маалыматка караганда, эл аралык байкоочулар шайлоого беш күн калганга чейин каттала берет.
Кыргызстанда президенттик шайлоо 15-октябрда өтөт. Европа коопсуздук жана кызматташтык уюмунун демократия институттары жана адам укуктары боюнча бюросу президенттик шайлоого 350 кыска мөөнөттүү жана 24 узак мөөнөттүү байкоочуларын жөнөтөрүн жарыялаган.(КЕ)