Быйыл Кыргызстандагы мектептердин 1-классына 121 миң бала барат. Ал эми жалпы окуучулардын саны 1 миллион 175 миң 780ди түзөрүн Билим берүү жана илим министрлигинин басма сөз кызматы билдирди.
Өлкө боюнча 2 миң 236 мектеп иштейт, анын 14ү быйыл пайдаланууга берилди.
Билим уяларында жаңы окуу жылынын ачылышына арналган салтанаттар 1-сентябрда болот. Ал эми окуу жараяны 4-сентябрда башталат. (SE)