Орусиянын Пенза облусунда жол кырсыгынан бир кыргызстандык набыт кетти, бешөө жараат алды. Кыргызстандын Орусиядагы элчилигинин маалыматына караганда, авария 26-августта М-5 "Урал" федералдык жолунда болгон.
Учурда маркумдун жана жабыркагандардын туугандары менен байланышуу аракети көрүлүп жатат.
Быйыл май айында да аталган жолдо кыргызстандыктар кырсыкка кабылган.