Көк бөрүнүн казакча түрү - көкпар боюнча биринчи дүйнө чемпионатында бүгүн Кыргызстан Түркияны 13:3 эсебинде утту.
21-августта башталган таймаштар Астананын "Казанат" ат майданында өтүүдө.
22-августта Кыргызстан Өзбекстанды 11:2 эсебинде уткан. Ага чейинки күнү Монголия менен ойноп, оюн 4:0 эсебинде Кыргызстандын пайдасына жыйынтыкталган.
ЭКСПО-2017 эл аралык көргөзмөсүнүн алкагында уюштурулган бул чемпионат 28-августка чейин уланат. Ага 11 команда: Өзбекстан, Кыргызстан, АКШ, Түркия, Тажикстан, Монголия, Орусия, Венгрия, Кытай, Ооганстан жана Казакстан катышып, эки тайпага бөлүнүп ойноп жатышат.
24-августта Кыргызстан Тажикстан менен ойнойт. Андан кийин АКШ командасы менен беттешүү калат. (ECh)