Чүйдө статистика мекемесинин жетекчиси камакка алынды. Жайыл районунун мамлекеттик статистика бөлүмүнүн башчысы жергиликтүү тургундан анын ижарага байланыштуу маселесин оңунан чечип берем деген убада менен 70 миң сом пара талап кылып жаткан деп шектелүүдө. Кылмыш кодексинин “ири өлчөмдө пара талап кылуу” беренесинин негизинде кылмыш иш козголду. Ал 55 миң сом акчаны алып жаткан жеринен колго түшүрүлгөнү расмий кабарланды. (RK)
