Пакистандын Жогорку Соту премьер-министр Наваз Шарифти иштен кетирди. Соттун 28-июлдагы чечиминен кийин өкмөт башчы кызматын тапшырганын өкмөттүн басма сөз кызматы кабарлады. Соттук териштирүүгө 2016-жылы Панама досьесинде ачыкка чыккан маалыматтардан кийин премьер-министрге коюлган коррупция айыптары себеп болду.
Иликтөөчүлөр тобу Шарифтин үй-бүлөсү офшордук компанияларда миллиондогон доллардык байлыгын каткан деген бүтүмгө келишкен. Шариф жана анын жакындары айыптарды четке каккан.
Пакистандын медиасы Наваз Шариф жана анын үй-бүлөсүнө карата кылмыш иши ачылышы мүмкүндүгүн кабарлады.