"Мекен ынтымагы" саясий партиясы президенттик кызматка Темирбек Асанбековдун талапкерлигин көрсөтүү тууралуу чечимин Борбордук шайлоо комиссиясына тапшырды. БШКнын маалыматына караганда, партия 21-июлдагы тогузунчу курултайында жогоркудай чечим кабыл алган.
“Мекен ынтымагы” саясий партиясы 2010-жылы түзүлгөн. Анын лидери Темирбек Асанбеков 2011-жылкы президенттик шайлоодо талапкер болгон. 2015-жылы ал жетектеген партия парламенттик шайлоого катышып, шайлоочулардын 0,79%, добушун алган.
Асанбековду кошкондо алдыдагы саясий жарышка катышууну көздөп Борбордук шайлоо комиссиясына арыз жазгандардын саны кырк бирге жетти. Анын отуз экиси өзүн-өзү көрсөткөн, тогузун саясий партиялар сунуштаган.
Кыргызстанда президенттик шайлоо быйыл 15-октябрда өтөт. Талапкерлигин көрсөтүүнү каалагандар БШКга 1-августка чейин арыз тапшырышы керек. (NT)