Борбордук шайлоо комиссиясы билдиргендей, 16-июлда "Аалам" саясий партиясынын лидери, 60 жаштагы Арсланбек Малиев өзүн өзү көрсөтүү жолу менен президенттик шайлоого катышуу тууралуу арызын тапшырды.
Ушуну менен президенттик жарышта ат салышуу ниетин билдиргендер 29га жетти. Анын 24ү өзүн өзү көрсөтсө, калганын саясий партиялар сунуштаган.
Кыргызстанда президенттик шайлоо 15-октябрда өтөт. Талапкерлигин көрсөтүүнү каалаган жарандар БШКга 1-августка чейин арыз тапшырышы керек. (NT)