Президенттик шайлоого өзүн өзү көрсөтүү жолу менен катталууга дагы бир жаран арыз тапшырды. Бул тууралуу Борбордук шайлоо комиссиясынан кабарлашты. Маалыматка ылайык, 25-талапкер болуп катталууга Нусрет Мамедов аттуу жаран тапшырган. 60 жаштагы Мамедов Түрк тилдүү мамлекеттердин саясатын колдоо фондунун президенти болуп эмгектенет.
14-июлга карата Кыргызстандын Борбордук шайлоо комиссиясына 25 жаран президенттикке талапкерлик арызын тапшырды.
Төрт талапкерди партиялары көрсөттү, калган 21и – өзүн өзү көрсөткөндөр. Талапкерликке арыздар 1-августка чейин кабыл алынат. Кыргызстанда президенттик шайлоо үстүбүздөгү жылы 15-октябрда өтөт. (BkA)