Жалал-Абад облусунун Базар-Коргон районунда жергиликтүү кеңештин депутаты экстремизмге шектелип кармалды.
Бул тууралуу Ички иштер министрлигинин басма сөз кызматы билдирди. Маалыматка караганда, шектелген адамды текшерүү учурунда анын жанынан "Хизб-ут-Тахрир" экстремисттик уюмунун материалдары чыккан.
Милиция аны кармап, убактылуу жайга камакка алган. Ага карата Кылмыш жана жаза кодексинин 299–2-беренеси (экстремисттик жана террорчулук уюмдардын материалдарын, атрибуттарын алып жүрүү, даярдоо, сактоо, жайылтуу) боюнча кылмыш иши козголуп, тергөө уланууда.
"Хизб ут-Тахрир" - Кыргызстанда тыюу салынган уюмдардын бири. (NT)